ٹیکسلا(نیوز ڈیسک) حسن ابدال کے قریب یمن سے آنے والے مسافروں کی بسوں کو حادثے کے نتیجے میں 17 افراد زخمی ہو گئے۔ یمن سے پاک بحریہ کے جہاز کے ذریعے کراچی آنے والے مسافروں کو لاہور اور پھر اسلام آباد پہنچایا گیا جہاں سے یہ لوگ 2 کوسٹرز میں سوار ہو کر پشاور میں اپنے گھروں کی جانب جا رہے تھے کہ حسن ابدال کے قریب مخالف سمت سے آنے والی گاڑی سے ٹکرا گئی جس کے نتیجے میں 17 افراد زخمی ہو گئے۔امدادی ٹیموں کے اہلکاروں نے زخمیوں کو فوری طور پر تحصیل ہیڈ کوارٹر اسپتال ٹیکسلا اور ڈسٹرکٹ ہیڈ کوارٹر اسپتال حسن ابدال منتقل کیا جہاں انہیں طبی امدا دی جا رہی ہے۔