نیویارک(آئی این پی )انسانی حقوق کی عالمی تنظیم ہیومن رائٹس واچ نے خبردار کیا ہے کہ متعدد اسرائیلی بینک مغربی کنارے میں تعمیراتی منصوبوں کے لیے قرضے کی صورت میں رقوم فراہم کر کے انسانی حقوق کی خلاف ورزی کے مرتکب ہو رہے ہیں۔ غیر ملکی میڈیا کے مطابق یہ بات بدھ کو جاری کردہ ایک رپورٹ میں کہی گئی ہے۔ ہیومن رائٹس واچ کے مطابق بینک ایسے قرضے مکانات خریدنے والوں اور ایسی کمپنیوں کو

فراہم کرتے ہیں، جو مقبوضہ فسلطینی علاقے میں یہودی آباد کاری میں ملوث ہیں۔ ادارے نے اسرائیلی مالیاتی اداروں پر زور دیا ہے کہ وہ اس عمل کو ترک کریں۔ یہ امر اہم ہے کہ سن 1967 کی جنگ کے بعد سے اسرائیل، مغربی کنارے، غزہ پٹی اور مشرقی یروشلم پر قابض ہے۔ بین الاقوامی برادری اس قبضے کو غیر قانونی مانتی ہے۔