لاہور ( این این آئی) فلمسٹار نور نے کہا ہے کہ ہمارے ملک میں ٹیلنٹ کی کمی ہرگز نہیں ہے مگر کوئی مناسب پلیٹ فارم موجود نہیں جہاں نئے ٹیلنٹ کو مواقع فراہم کر کے ان کے فن میں مزید نکھار پیدا کیا جا سکے ۔ انہوں نے ایک انٹرویو کے دوران کہا کہ اب ہماری فلم انڈسٹری اپنے قدموں پر کھڑی ہو چکی ہے ،حالات اچھے ہیں اور تسلسل کے ساتھ فلمیں بن رہی ہیں جو بڑی خوش آئند بات ہے ۔لیکن بھارت کا مقابلہ کرنے کیلئے

ہمیں مزید اچھی اور معیاری فلمیں بنانا ہوں گی ۔ ایک سوال کے جواب میں انہوں نے بتایا کہ آج کل اپنا زیادہ وقت مارننگ شوز کو دے رہی ہوں مگر ٹی وی جب بھی موقع ملتا ہے تو اچھا کردار ضرور قبول کرتی ہوں ۔ انہوں نے کہا کہ میں کردار کے معاملے میں بہت احتیاط کرتی ہوں اور میری خواہش ہے کہ کسی اچھی اور معیاری فلم میں کام کروں ۔