ممبئی (نیوز ڈیسک) بالی وڈ اداکارہ رانی مکھر جی نے شادی کی سالگرہ کو یادگار بنانے کیلےئے اپنے شوہر اور فلم ڈائریکٹر ادیتیا چوپڑا کو انوکھا چیلنج دیا ہے۔ رانی کا خیال ہے کہ ادیتیہ اپنی صحت کا خیال نہیں رکھتے ہیں اور اسی لئے انہوں نے اپنے شوہر کو چیلنج کیا ہے کہ شادی کی پہلی سالگرہ تک دونوں کے بیچ وزن کم کرنے کا مقابلہ رہے گا اور پھر شادی کی سالگرہ والے دن یہ فیصلہ ہوگا کہ کون اس چیلنج میں فاتح رہا۔ فاتح کیلئے تحفہ کیا ہوگا، اس بارے میں رانی نے کچھ نہیں بتایا ہے تاہم رانی کی اس کوشش کا مقصد ادیتیہ کو فٹنس کی جانب راغب کرنا ہے۔ واضح رہے کہ رانی نے گزشتہ برس شادی کے بعد بھی ادیتیہ کیلئے سخت فٹنس شیڈول ترتیب دیا تھا۔اس کے علاوہ یہ جوڑا ذہنی و جسمانی تروتازگی کیلئے یورپ کے ایک معروف سپا سنٹر بھی گیا تھا۔