موغادیشو(این این آئی)صومالیہ میں القاعدہ سے وابستہ تحریک الشباب کا فوجی ٹھکانے پر خونی حملہ ہوا ہے، جس کے نتیجے میں کم از کم چوبیس فوجی مار نے کا دعویٰ کیا گیا ہے۔الشباب شدت پسند تحریک کے ایک ترجمان نے غیر ملکی نیوز ایجنسی کو انٹرویو دیتے ہوئے بتایا کہ ان کے جنگجووں نے کینیا کی سرحد سے متصل گاوں بلد ھاوی پر قبضہ کرنے کے غرض سے وہاں پر موجود فوجی چوکی پر خود کش حملہ کیا اور

اسے تباہ کردیا۔ترجمان نے دعویٰ کیا کہ اس کارروائی میں صومالی فوج کے کم وبیش چوبیس فوجی بھی مارے گئے، جبکہ گاوں کا کنٹرول بھی سنبھال لیا ہے۔ تاہم اس خبر کی آزاد ذرائع سے تصدیق نہیں ہوسکی ہے۔