نئی دہلی (این این آئی)سابق بھارتی کپتان محمد اظہرالدین نے کہا ہے کہ ورلڈ الیون کا دورہ پاکستان ایک انتہائی شاندار اقدام اور کرکٹ اور اس سے متعلقہ تمام افراد کیلئے بہت زبردست بات ہے ۔ ایک انٹرویو میں محمد اظہرالدین نے کہا کہ پاکستانی کھلاڑیوں کیلئے یہ انتہائی ضروری ہے کہ وہ جذبے سے بھرپور اپنے عوام کے سامنے بین الاقوامی کرکٹ کھیلیں۔ ورلڈ الیون کا دورہ پاکستان بہت ہی شاندار اقدام ہے ٗیہ کرکٹ اور اس سے متعلقہ ہر شخص کیلئے بہت ہی زبردست بات ہے۔
پاکستانی بھارتی کھلاڑی کی جانب سے خیرسگالی کا پیغام آنے پر خوشگوار حیرت میں مبتلا ہیں اور یہ بھی سوچ رہے ہیں کہ اگر ورلڈ الیون میں ایک سے دو بھارتی کھلاڑی شامل ہوتے تو لطف ہی دوبالا ہو جاتا۔محمداظہر الدین کے بیان پرہندو انتہاء پسندوں نے شدید ردعمل کا اظہار کیا ہے ، سوشل میڈیا پر اظہر الدین پر تنقید کرتے ہوئے ان سے مطالبہ کیا جارہاہے کہ وہ پاکستان کی فکر چھوڑیں اور بھارت کی بات کریں۔
