اسلام آباد(مانیٹرنگ ڈیسک)عمران خان کی پہلی سابقہ اہلیہ جمائما گولڈ سمتھ کے بوائے فرینڈ رسل بینڈ نے شادی کر لی۔ تفصیلات کے مطابق برطانیہ کے سماجی حلقوں میں معروف خاتون اور پاکستان تحریک انصاف کے چیئرمین عمران خان کی سابقہ اہلیہ جمائما گولڈ سمتھ کے بوائے فرینڈ معروف کامیڈین رسل برینڈ نے لائف سٹائل بلاگرلارا گلیچرسے شادی کر لی ہے۔ رسل برینڈ اور لاراگلیچرکی شادی کی تقریب کا انعقاد برطانیہ کے قصبہ ہینلے آن تھیمز میں گھر
کے قریب چرچ میںسادگی سے کیا گیا جہاں دونوں کے قریبی عزیزوں اور دوستوں کی بـڑی تعداد نے شرکت کی۔ رسل برینڈ اور لاراگلیچر کی شادی میں ان کی بیٹی میبل نے بھی شرکت کی، تقریب کے دوران رسل برینڈ میبل کو گودمیں اٹھائے سٹیمر کشتی میں ٹہلتے رہے۔واضح رہے کہرسل برینڈ 2013 سے 2014 تک تحریک انصاف کے چئیرمین عمران خان کی سابقہ اہلیہ جمائمہ خان سے تعلقات میں رہے۔ ستمبر 2014 میں دونوں نے علیحدگی کا اعلان کر دیا تھا۔
