اسلام آباد (مانیٹرنگ ڈیسک) عید کی شاپنگ اور پھر ڈسکاؤنٹ بھی 80 فیصد ہو تو کون ہے جو اس آفر سے فائدہ نہیں اٹھائے گا، ایسا ہی کچھ متحدہ عرب امارات (یو اے ای) کی ریاست شارجہ میں قائم شاپنگ مالز نے کیا ہے، ان شاپنگ مالز نے عید الاضحیٰ کی مناسبت سے گاہکوں کے لیے تمام چیزوں کی خریداری پر 80 فیصد رعایت کی حیرت

انگیز پیشکش کی ہے اور یہ رعایت صرف عید تک ہی ہو گی، شارجہ کے تمام مالز اور شاپنگ سینٹرز اس سکیم میں حصہ لے رہے ہیں جو منگل 29 اگست سے شروع ہو گی اور 31 اگست بروز جمعرات تک جاری رہے گی۔ ان شاپنگ مالز میں پہلے ہی بہت رش ہوتا ہے مگر اس ڈسکاؤنٹ آفر پر وہاں لوگوں کے تل دھرنے کی جگہ نہیں ہو گی۔