لاہور(آئی این پی) تحر یک انصاف کے چیئر مین عمران خان کا جہانگیر خان تر ین اور علیم خان کے گارڈز کے پارٹی کارکن پر تشدد پر سخت اظہاربرہمی ’دونوں قائدین کو اپنے گارڈز کے خلاف سخت ایکشن لینے کی بھی ہدایت کردی ۔میڈیا رپورٹس کے مطابق اتوار کے روز عمران خان نے جہانگیر خان ترین اور علیم خان سے
ہونیوالی ملاقات کے دوران اس سارے معاملے پر سخت برہمی کا اظہار کرتے ہوئے اس پر سخت ناراض نظر آئے اور دونوں قائدین کو اپنے گارڈز کے خلاف سخت ایکشن لینے کی بھی ہدایت کردی۔ یادرہے کہ عمران خان کی چیئر مین سیکرٹریٹ آمد کے موقعہ پر دونوں قائدین کے گارڈز نے پارٹی کارکن کو سر عام تشدد کا نشانہ بنایا۔
