اسلام آباد (مانیٹرنگ ڈیسک) پاکستان تحریک انصاف نے سکھر میں کامیاب جلسہ کرکے پیپلز پارٹی کے لیے خطرے کی گھنٹی بجا دی ہے، اس جلسے میں تحریک انصاف عوام کی بڑی تعداد کو لانے میں کامیاب رہی، ایک نجی ٹی وی کے مطابق دریائے سندھ کے کنارے منعقدہ تحریک انصاف کے جلسے میں عوام کی ایک بڑی تعداد نے
نہایت جوش و خروش سے حصہ لیا۔ جلسہ کے اختتام تک جلسہ گاہ لوگوں سے کچھاکھچ بھرا رہا، تحریک انصاف کے رہنماؤں کی دھواں دھار تقریروں پر شرکاء جلسہ نے خوب داد دی، اس ضمن میں تحریک انصاف کا کہنا ہے کہ سکھر کے جلسے میں ہزاروں کی تعداد میں لوگوں کی شرکت پیپلز پارٹی کے خلاف اعلان بغاوت ہے۔
