اسلام آباد(نیوزڈیسک)محکمہ موسمیات نے کہا کہ گزشتہ 24 گھنٹوں کے دوران راولپنڈی ڈوین اور اسلام آباد میں کہیں کہیں جبکہ گوجرانوالہ، لاہور، مالاکنڈ، ہزارہ، پشاور، مکران ڈویژن اور گلگت بلتستان میں چند مقامات پر تیزہواؤں اور گرج چمک کے ساتھ بارش ہوئی اور ملک کے دیگر علاقوں میں موسم گرم اور مرطوب رہا ہے۔ سب سے زیادہ بارش راولپنڈی میں 72 ملی میٹر ریکارڈ کی گئی ہے۔

محکمہ موسمیات کے مطابق آئندہ 24 گھنٹوں کے دوران اسلام آباد اور راولمنڈی سمیت لاہور،گوجرنوالہ، ساہیوال،سرگودھا،چکوال،بالائی خیبر پختونخوا ،کے علاقوں مالاکنڈ، ہزارہ ڈویژن، فاٹا،کشمیر اور گلگت بلتستان کے ملحقہ علاقوں میں کہیں کہیں تیزہواؤں اور گرج چمک کے ساتھ بارش جبکہ بعض مقامات پر موسلادھار بارش کا امکان ہے اور ملک کے دیگر علاقوں میں موسم گرم اور مرطوب رہے گا۔