بیجنگ (آ ئی این پی ) چینی وزارت خارجہ نے چین اور بھارتی فوج کے درمیان تصادم کی تصدیق کرتے ہوئے کہا ہے کہ بھارتی فوج نے چینی سپائیوں پر حملہ کیا جس سے چینی سپاہی زخمی ہو ئے ، امریکہ جاپان ا ینٹی میزائل تعاون ہر کہا مختلف ممالک کو اپنی سکیورٹی پر غور کرنے کے ساتھ ساتھ، دیگر ممالک کے مناسب حفاظتی خدشات کا احترام کرنا چاہئیے۔ چائنہ ریڈ یوانٹرنیشنل کے مطابق چینی وزارت خارجہ کی ترجمان حوا چھون اینگ نے چین اور بھارتی فوج کے درمیان تصادم کی تصدیق کرتے ہوئے
انہوں نے کہا کہ پندرہ اگست کو چینی سرحدی محافظ چین اور بھارت کی سرحد کے مغربی حصہ بان گونگ جھیل کے علاقے کی حقیقی کنٹرول لائن کے چین کے زیر کنٹرول علاقے میں معمول کی گشت کر رہے تھے ، جبکہ بھارتی سرحدی محافظوں نے ان کو روکنے کی کوشش کی ۔ اسی دوران ،بھارتی سپاہی چینی سپائیوں پر حملہ آور ہوئے ،جس سے چینی سپاہی زخمی ہو ئے ہیں ۔ حوا چھون اینگ نے کہا کہ بھارتی فوج کا یہ عمل چین اور بھارت کے درمیان سرحدی علاقے کے امن واستحکام کے تحفظ کے طیشدہ اتفاق رائے کی خلاف ورزی ہے ۔ یہ اقدام چین بھارت کی سرحد ی صورت حال کے لیے ایک خطرہ بن گیا ہے ۔ انھوں نے کہا کہ چین نے اس حوالے سے شدید تحفظات کا اظہار کرتے ہوئے بھارت سے وضاحت طلب کی ہے ۔ چین نے اس بات پر زور دیا کہ بھارت کو چین بھارت کے درمیانمتعلقہ معاہدے پر کاربند رہنا چاہیئے اور انیس سو انسٹھ میں طے کردہ حقیقی کنٹرول لائن کے مطابق بھارتی سرحدی محافظوں کے عمل کو کنٹرول کرنا چاہیئے تاکہ دونوں ممالک کے سرحدی علاقے کے امن کا تحفظ کیا جا سکے ۔ چینی وزارت خارجہ کی ترجمان ہوا چھون اینگ نے ایک امریکی اہل کار کی حال ہی میں اینٹی میزائل تعاون کے فروغ پر گفتگو کے حوالے سے چین کے رد عمل کا اظہار کیا۔ انہوں نے پرزور الفاظ میں کہا کہ مختلف ممالک کو اپنی سکیورٹی پر غور کرنے کے ساتھ ساتھ، دیگر ممالک کے مناسب حفاظتی خدشات کا احترام کرنا چاہئیے۔
حکومت کا خیال ہے کہ اینٹی میزائل کا مسئلہ عالمی تزویراتی استحکام اور بڑے ممالک کے درمیان باہمی اعتماد سے قریبی تعلق رکھتا ہے۔ اس لئے اس مسئلے سے اختیاط سے نمٹا جانا چاہئیے۔ ہوا چھون اینگ نے کہا کہ جاپان اور امریکہ کے درمیان باہمی فوجی تعاون سے تیسرے ملک کے مفادات اور علاقائی امن و استحکام کو نقصان نہ پہنچنے کی ضمانت دی جانی چاہئیے۔ چین کو امید ہے کہ جاپان اور امریکہ احتیاط سے کام کریں گے اور خطے میں امن و استحکام کے لئے تعمیراتی نوعیت کا کردار ادا کریں گے۔
