ممبئی(نیوز ڈیسک) اداکارہ سوناکشی سنہا کا کہنا ہے کہ فلم دبنگ میں سلمان خان کی ہیروئن بننا ان کے لئے کسی حادثے سے کم نہیں تھا کیونکہ وہ کبھی بھی اداکارہ بننے کی خواہشمند نہیں تھیں۔ سوناکشی کا مزید کہنا ہے کہ فیشن کے مضمون میں ڈگری حاصل کرنے کے بعد وہ ہمیشہ سے ہی ایک فیشن ڈیزائنر بننا چاہتی تھی لیکن سلمان خان کی ضد نے انہیں سپر ہٹ فلم دبنگ کی ہیروئن بنا دیا۔ سلمان اور پروڈیوسر ارباز خان کی ضد کے آگے انہوں نے ہتھیار ڈال دیئے اور فلم کا اسکرپٹ سننے کے بعد دبنگ میں کام کرنے کی حامی بھر لی۔ ایک طرف سوناکشی اداکارہ نہیں بننا چاہتی تھی۔ اب صورتحال یہ ہے کہ ہالی ووڈ اداکار ان کے مد مقابل ہیرو آنا چاہتا ہے اور انہوں نے بھی اپنی اس شہرت سے فائدہ اٹھاتے ہوئے ادھر ادھر فلمیں سائن کرنا شروع کر دی ہیں۔