لاہور (مانیٹرنگ ڈیسک)معروف امریکی کامیڈین جیریمی میکیلن نے بھارتیوں کو آگ بگولہ کر دیا۔ تفصیلات کے مطابق امریکی کامیڈین جیریمی نے بھارتیوں کے یوم آزادی پر ان کے ساتھ ایسا مذاق کیا کہ بھارتی عوام غصہ ہونے کے ساتھ ساتھ خوفزدہ بھی ہو گئے۔ جیریمی نے مائیکروبلاگنگ ویب سائٹ پر ایک تصویر اپ لوڈ کی اور اسپر لکھ دیا کہ
وہ بھارتی یوم آزادی پر بھارت کی جاسوسی کیلئے ایک پاکستانی کبوترٹرینڈ کر رہے ہیں۔ جیریمی کے اس مذاق کو بڑی تعداد میں پاکستانی عوام شیئر کر رہے ہیں جبکہ بھارتی شہری جریمی کو بلاک کرنے پر اتر آئے ہیں۔ واضح رہے کہ کچھ عرصہ قبل بھارت کی جانب سے پاکستان پر الزام عائد کیا گیا تھا کہ وہ بھارتی جاسوسی کیلئے کبوتر بھیجتے ہیں۔
