گوام(آئی این پی)شمالی کوریا کے میزائل حملے کے خدشے کے پیش نظر امریکی جزیرے گوام میں اس وقت اینٹی میزائل سسٹم الرٹ ہے۔ گوام میں ایک لاکھ 70 ہزار امریکی شہری رہائش پذیر ہیں۔ گوام شمالی کوریا سے 2 ہزارکلومیٹر دور واقع ہے۔ گوام میں 7 ہزارامریکی فوجی تعینات ہیں جبکہ ایک امریکی ائیرفورس اور ایک نیوی بیس بھی قائم ہے۔

اگر شمالی کوریا کی جانب سے میزائل داغا گیا تو امریکا کے پاس چار حصار ہیں۔ شمالی کوریا کے میزائل کو نشانہ بنانے کے لیے جنوبی کوریا میں تھاڈ میزائل حرکت میں آئے گا۔ جاپان کے اوپر سے میزائل کونشانہ بنانے کے لیے اینٹی میزائل سسٹم موجود ہے۔ بحرالکاحل میں میزائل پہنچنے کی صورت میں بحری جہاز سے نشانہ بنایا جائے گا جبکہ گوام میں امریکی اینٹی میزائل سسٹم بھی الرٹ ہے۔