تہران (آئی این پی ) ایران نے بھارت کیلئے تیل کی برآمدات میں کئی گنا اضافہ کر دیا ،ایران کے خام تیل کی پیداوار تقریبا چالیس لاکھ بیرل یومیہ تک پہنچ گئی۔ ایران کی وزارت پیٹرولیم کے مطابق، گزشتہ جولائی کے مہینے میں ایران نے بھارت کی سرکاری اور نجی کمپینوں کو پانچ لاکھ بیرل خام تیل یومیہ فراہم کیا ہے۔جون کے مقابلے میں جولائی کے مہینے میں ایران سے بھارت کو برآمد کیے جانے والے خاتم تیل کی مقدار میں
تراسی ہزار بیرل یومیہ اضافے کی نشاندھی ہوئی ہے۔ایران کی وزارت پیٹرولیم کے جاری کردہ بیان کے مطابق، سن دوہزار پندرہ کے بعد سے بھارت کے لیے ایرانی تیل کی برآمدات میں مسلسل اضافہ ہو رہا ہے۔سن دوہزار پندرہ سولہ کے دوران ایران نے بھارت کو اوسطا ایک لاکھ نواسی ہزار چار سو اکیاون بیرل خام تیل یومیہ برآمد کیا ہے۔ہندوستان کے علاوہ ایران نے سن دوہزار سترہ کے آغاز سے اب تک ایشیا اور یورپی ملکوں کو بھی بائیس لاکھ بیرل خام تیل یومیہ برآمد کیا ہے۔ا
