غزہ (آئی این پی )اسرائیل کی جانب سے فلسطینی شہریوںکو انتقام کا نشانہ بنائے جانے اور نام نہاد صہیونی عدالتوں کی طرف سے فلسطینی شہریوں کو انتظامی حراست میں ڈالے جانے کا خلاف قانون کاسلسلہ جاری ہے ، فلسطین میں انسانی حقوق اسٹڈی سینٹر کی طرف سے جاری کردہ ایک بیان میں بتایا گیا ہے کہ جولائی کے مہینے میں سرائیلی حکام کی جانب سے 170 فلسطینیوں کو بغیر کسی الزام کے انتظامی حراست کی پالیسی کے تحت جیلوں میں ڈالا گیا ہے۔مرکزاطلاعات

فلسطین کے مطابق اسٹڈی سینٹر کے ترجمان ریاض الاشقر نے بتایا کہ نام نہاد صہیونی عدالتوں کی طرف سے فلسطینی شہریوں کو انتظامی حراست میں ڈالے جانے کا خلاف قانون سلسلہ جاری ہے۔ جولائی میں جون کی نسبت انتظامی حراست کی سزاں میں 300 فی صد اضافہ ہوا ہے۔ جون کے مہینے میں 45 فلسطینیوں کو انتظامی حراست کے تحت جیلوں میں ڈالا گیا تھا۔بیان میں کہا ہے کہ جولائی میں اسرائیلی عدالتوں سے 70 فلسطینی اسیران کی انتظامی حراست میں تجدید کی گئی ۔