اسلام آباد (مانیٹرنگ ڈیسک)شہدائے ماڈل ٹائون کا خون رائیگاں نہیں جائے گا، قصاص لیں گے، سپریم کورٹ نے چور پکڑ لیا اب قاتل رہ گیا ہے،پانامہ کا فیصلہ توقعات کے خلاف تھا جس سے خوشگوار حیرت ہوئی، طاہر القادری کی وطن واپسی پر میڈیا اور کارکنان سے گفتگو۔ تفسیلات کے مطابق پاکستان عوامی تحریک کے سربراہ طاہر القادری نے وطن واپسی پر میڈیا اور کارکنان سے
خطاب کرتے ہوئے اعلان کیا ہے کہ سانحہ ماڈل ٹائون کے شہدا کے خون کا قصاص لیا جائے گا، ان کا کہنا تھا کہ سپریم کورٹ نے چور کو پکڑ لیا ہے اب قاتل رہ گیا ہے۔ پانامہ کیس میں سپریم کورٹ نے جو فیصلہ دیا اس کی توقع نہیں تھی ، فیصلے سے لگتا ہے اب پاکستان کی تقدیر بدلنے والی ہے ، پانامہ فیصلے نے سانحہ ماڈل ٹائون کے شہدا کے لواحقین کو انصاف ملنے کی امید پیدا کر دی ہے۔ طاہر القادری نے کہا کہ سپریم کورٹ نے یوسف رضا گیلانی کو توہین عدالت پر نا اہل کیا ، نواز شریف کو بد دیانت ،جھوٹا قرار دے کر نا اہل کیا ،اگر کسی کے خلاف سپریم کورٹ ایسی بات کر تو وہ خود شرم دکھا تا ہے لیکن اب آپ جی ٹی روڈ پر احتجاج کرنا چاہ رہے ہیں ۔انہوں نے سوال اٹھا تے ہوئے کہا کہ ہم نے جی ٹی روڈ پر نواز شریف کے خلاف احتجاج کیا تھا ،اب وہ کس کے خلاف احتجاج کر رہے ہیں ،اگر ان میں ہمت ہے تو نام بتائیں ورنہ ہم سمجھیں گے کہ یہ احتجاج سپریم کورٹ اور قومی سلامتی کے خلاف ہے ۔ینیڈا آنا جانا میری مجبوری نہیں کیونکہ میری اصل زمین پاکستان ہے جہاں میرے کارکنوں کا خون بہایا گیا اور ہم اس کا حساب لے کر رہیں گے ۔انہوں نے کہا کہ اللہ کی بارگاہ میں ہمیشہ انصاف ملتا ہے