اسلام آباد(مانیٹرنگ ڈیسک)نعیم الحق کا ٹویٹر اکائونٹ ہیک ہونے کے امکانات نہیں، عائشہ گلا لئی کی جانب سے الزامات کے بعد وضاحتی ٹویٹ سے قبل 200پیغامات بھی اسی ڈیوائس سے بھیجے گئے جس سے وضاحتی پیغام آیا، آئی ٹی ماہر ۔ تفصیلات کے مطابق جیو نیوز کی ایک رپورٹ کے مطابق تحریک انـصاف کے ترجمان نعیم الحق کی جانب سے عائشہ گلالئی کو

شادی کی پیش کش والے پیغامات بھیجنے کی تصدیق انہوں نے سماجی رابطوں کی ویب سائٹ ٹویٹر پر اپنے ایک پیغام میں کی ہے ان کا ٹویٹر اکائونٹ پر ظاہر ہونے والے ان کے پیغام میں کہا گہا ہے کہ نعیم الحق کے سوشل میڈیا اکاؤنٹ سے کہا گیا کہ وہ معافی کیوں مانگیں؟ عائشہ گلالئی کے ساتھ شادی ڈسکس کرنے میں کیا برائی ہے۔پھراسی اکاؤنٹ سے دوبارہ پیغام دیا گیا کہ عائشہ گلالئی کے لیے شادی کی کوئی باقائدہ پیشکش نہیں تھی جیسا کہ اس نے خود عاصمہ شیرازی سے بات کرتے ہوئے کہا۔نعیم الحق کے ٹویٹر اکائونٹ پر پیغامات ظاہر ہونے کے کچھ دیر بعد تحریک انصاف کے ایک اور رہنما شفقت محمود کا کہنا تھا کہ ان کی نعیم الحق سے فون پر بات ہوئی ہے ،نعیم الحق کا ٹویٹر اکائونٹ ہیک کر لیا گیا ہے اور یہ پیغامات نعیم الحق کی جانب سے نہیں ہیں۔نجی ٹی وی جیو نیوز کی ایک رپورٹ کے مطابق ایک آئی ٹی ماہر کا کہنا ہے کہ نعیم الحق کی جانب سے ٹویٹر اکائونٹ ہیک ہونے کا دعویٰ صحیح نہیں ہے یہ پیغامات اور ان سمیت گزشتہ 200پیغامات ایک ہی ڈیوائس سے بھیجے گئے ہیں ۔ آئی ٹی ماہر کے اگر دعویٰ کو سچ مان لیا جائے تو یہ بات کھل کر سامنے آتی ہے کہ عائشہ گلا لئی کے دعوے بے بنیاد نہیں بلکہ ان میں وزن بھی ہے اور پی ٹی آئی میں خواتین کے ساتھ جس سلوک کی وہ نشاندہی کر رہی ہیں اور عمران خان اور

نعیم الحق کے خواتین کے حوالے سے گٹھ جوڑ پر مبنی جن مبینہ شرمناک حرکات کا ذکر انہوں نے کیا ہے وہ بالکل صحیح اور درست نظر آتی ہیں تاہم اصل صورتحال تحقیقات کے بعد ہی منظر عام پر آسکتی ہیں جس میں ٹیکنیکل ماہرین کی خدمات ناگزیر ہو چکی ہیں۔دوسری جانب ذرائع کے مطابق نعیم الحق کے ٹویٹر اکائونٹ پر ظاہر ہونے والے پیغامات نے پی ٹی آئی میں کھلبلی مچا دی ہے اور اہم رہنمااس صورتحال سے کافی پریشان ہیں۔