ممبئی (نیوز ڈیسک ) بالی وڈ اداکارہ دیپکا نے خواتین کو بااختیار بنانے کی مہم کے تحت بننے والے اس ویڈیو کا نام مائی چوائس رکھا گیا ہے۔ اس ویڈیو کی وجہ سے دیپکا کو شدید تنقید کا نشانہ بنایا جا رہا ہے۔ اس میں دیپکا کہتی ہیں کہ وہ ایک عورت ہیں اور انھیں خود سے منسلک ہر فیصلہ کرنے کا مکمل حق ہے، خواہ وہ کسی قسم کا کپڑا پہننے کے حوالے سے ہو، شادی کرنے یا نہ کرنے، یا پھر شادی سے پہلے جنسی تعلقات قائم کرنے سے منسلک ہی کیوں نہ ہو۔وہ کہتی ہیں جن کا یہ خیال ہے سوتی یا ریشم کے کپڑوں سے میری روح کو ڈھک سکتے ہیں، وہ یہ سوچتے ہیں کہ وہ کائنات کی وسعت کو قید کر سکتے ہیں یا سورج کو اپنی مٹھی میں بند کر سکتے ہیں۔ عورتوں کا بااختیار بنانے کے مقصد کے لیے بنائے جانے والی اس ویڈیو میں دیپکا کہتی ہیں میں کسی مرد سے محبت کروں، کسی خاتون سے، یا پھر دونوں سے، یہ میرا فیصلہ ہونا چاہئے، میرے فیصلے میری پہچان ہیں، یہی مجھے مخصوص بناتے ہیں۔ویڈیو کے آخر میں دیپکا کہتی ہیںمیں کائنات ہوں، میں ابدی ہوں، اور یہ میرا فیصلہ ہے۔ 2 منٹ 34 سیکنڈز کے دورانیے پر مشتمل اس ویڈیو کی ہدایات ہومی ادجانیا نے دی ہیں اور اس میں دیپکا کے علاوہ 98 دیگر خواتین بھی شامل ہیں۔ اس ویڈیو کی وجہ سے سماجی رابطوں کی ویب سائٹ پر دپیکا کو شدید تنقید کا نشانہ بنایا گیا ہے اور ان کی سوچ کی نفی کی گئی ہے۔