گال(آئی این پی)بھارتی ٹیم کے کپتان ویرات کوہلی کی ٹیسٹ کرکٹ میں خراب پرفارمنس کا سلسلہ تاحال جاری ہے ، سری لنکا کیخلاف گال میں جاری پہلے ٹیسٹ میں بھی بھارتی بلے باز کچھ خاص کیے بغیر پوویلین لوٹ گئے ۔تفصیلات کے مطابق ویرات کوہلی ون ڈے کرکٹ میں تو بہترین فارم میں نظر آرہے ہیں تاہم گزشتہ کچھ عرصے سے ٹیسٹ کرکٹ میں ان کی کاکردگی دھندلائی ہوئی ہیں ،
سری لنکا کیخلاف گال ٹیسٹ میں ویرات کوہلی بلے بازی کرنے میدان میں اترے تو بھارتی ٹیم کی پوزیشن انتہائی مضبوط تھی اور ہندوستانی شائقین کرکٹ کو بھی اپنے کپتان سے بڑے سکور کی توقعات وابستہ تھیں تاہم انہوں نے ایک بار پھر اپنے چاہنے والوں کو دھوکہ دیا اور محض3رنز بنا کر پوویلین لوٹ گئے۔ویرات کوہلی اپنی گزشتہ6ٹیسٹ اننگز میں محض8.17کی اوسط سے محض49رنز سکور کرسکے ہیں اور اس دوران ان کا بہترین سکور آسٹریلیا کیخلاف 15رنز رہا۔
