ملتان(آئی این پی)مبینہ طور پرخودکشی کی کوشش کرنے والی مسلم لیگ(ن)کی وہاڑی سے ایم پی اے فرخ منظور کو نشتراسپتال ملتان کے آئی سی یو وارڈ میں منتقل کردیا گیا ،اسپتال ذرائع کے مطابق لیگی خاتون ایم پی اے کی حالت تشویشناک ہے۔ذرائع کے مطابق لیگی ایم پی اے نے مبینہ طور پر گندم میں رکھی جانے والی زہریلی گولیاں کھا کرزندگی کا خاتمہ کرنے کی کوشش کی ،
تاہم ان کے اہلخانہ نے ان کو ابتدائی طبی امداد کے بعد تشویشناک حالت میں ملتان کے نشتراسپتال منتقل کردیا ۔دوسری طرف خاتون لیگی ایم پی اے کے اہلخانہ کا موقف ہے کہ فرخ منظور نے خالی پیٹ چائے پی،بلڈ پریشر ہائی ہونے پر بے ہوش ہوگئیں۔
