(مانیٹرنگ ڈیسک)چیمپئنز ٹرافی کی انعامی رقم 22لاکھ ڈالر(تقریباََ23کروڑ پاکستانی روپے)آئی سی سی نے پی سی بی کو بھجوا دی، آئندہ ہفتے کھلاڑیوں اور ٹیم مینجمنٹ میں تقسیم کر دی جائے گی ۔ تفصیلات کے مطابق چیمپئنز ٹرافی کی فاتح پاکستانی ٹیم کیلئے آئی سی سی نے22 لاکھ ڈالر پی سی بی کو بھجوادئیے ہیں جنہیں آئندہ ہفتے کھلاڑیوں میں تقسیم کیا جائے گا۔ یہ رقم چیمپئنز ٹرافی کی فاتح ٹیم کیلئے آئی سی سی کی جانب سے اعلان

کردہ انعامی رقم ہے۔جس میں سے ہر کھلاڑی کے حصے میں ایک کروڑ 35 لاکھ روپے سے زائد رقم آئے گی، ٹیم مینجمنٹ کے ہر رکن کو 10لاکھ روپے تک مل سکتے ہیں۔ اس سے قبل وزیر اعظم نواز شریف بھی فاتح ٹیم کے ہر کھلاڑی کوایک، ایک کروڑ روپے دے چکے ہیں،پی سی بی10، 10 لاکھ جبکہ دیگر اداروں اور شخصیات کی جانب سے بھی بھاری رقم بطور انعام کھلاڑیوں کو مختلف تقاریب میں دی جا چکی ہیں۔