لاہور ( این این آئی) پاکستان کرکٹ بورڈ نے قومی کرکٹ ٹیم کے اعزاز میں ہونے والی تمام تقربیات ملتوی کردیں۔ ذرائع کے مطابق پی سی بی نے چئمپینز ٹرافی کی فاتح ٹیم کے اعزاز میں تمام تقریبات ملتوی کردی ہیں۔ ذرائع کے مطابق اسلام آباد میں جمعرات کے روز ہونی والی تقریب میں انعامات کی غیر منصفانہ تقسیم پر کھلاڑی نالاں ہیں، جس کی وجہ سے کوئی کھلاڑی کسی تقریب میں شرکت کیلئے رضا مند نہیں ہے۔
ذرائع کا کہنا ہے کہ اسلام آباد میں ہونے والی تقریب میں کپتان سرفراز حمد اور فخر زمان کے سوا تمام کھلاڑیوں نے 2،2 لا کھ روپے کے چیک انتظامیہ کو واپس کر دیئے تھے۔دوسری جانب ترجمان پی سی بی کا کہنا ہے کہ تقریبات کھلاڑیوں کی مصروفیات کے باعث ملتوی کی گئی ہیں۔ نئی تاریخوں کا اعلان کھلاڑیوں کی مصروفیت کو مد نظر رکھ کر کیا جائے گا۔ تقریب میں چئمپینز ٹرافی کی فاتح ٹیم میں ڈیڑھ کروڑ روپے کی انعامی رقم تقسیم کی جانی تھی۔
