اسلام آباد(مانیٹرنگ ڈیسک) قطرکے وزیر خارجہ شیخ محمد بن عبدالرحمان الثانی پاکستان کے ایک روزہ دورے کے بعد واپس روانہ ہو گئے ، قطری وزیر خارجہ نے دورے کے دوران وزیراعظم نواز شریف سے ملاقات کی اور وزیر اعظم کو خلیجی ممالک کے بحران پر تفصیل سے آگاہ کیا اور مشرق
وسطیٰ بحران کے حل کےلئے پاکستان سے بحران کے حل میں کردار ادا کرنے کی اپیل کی تھی۔وزیر اعظم نے اس موقع پر کہا قطر سے پاکستان کے دیرینہ تعلقات ہیں، پاکستان کو خلیج کی صورتحال پر تشویش ہے۔ ہم خلیج بحران کے حل کےلئے کی جانے والی مخلصانہ کوششوں کی بھرپور حمایت کرتے ہیں۔
