لاہور (این این آئی ) پنجاب فوڈ اتھارٹی کی چھاپہ مار ٹیموں کے لئے 300پہلوان بھی بھرتی کرنے کا فیصلہ کر لیا گیا ۔ تفصیلات کے مطابق پنجاب فوڈاٹھارٹی نے اپنے چھاپہ مار ٹیموں میں سرکاری افسران ،پولیس اہلکاروں کے ساتھ ساتھ اب پہلوانوں کو بھی شامل کرنے کا فیصلہ کیا ہے ۔
ڈائریکٹر جنرل فوڈ اٹھارٹی پنجاب کے مطابق چھاپہ مار ٹیم کو دران کاروائی مزاحمت کا سامنا کرنا پڑتا تھا جس کی وجہ سے کاروائی بھی متاثر ہوتی تھی ۔300پہلوانوں کو بھرتی کرنے سے کاروائی میں آسانی ہوگی ۔ان پہلوانوں کو ماہانہ 25000روپے کی تنخواہ کے ساتھ ساتھ ماہانہ راشن بھی دیا جائے گا۔جبکہ پہلوان چھاپہ مار ٹیم کے ہمراہ تعینا ت ہونگے ۔
