لاہور( این این آئی)وزیراعظم محمد نواز شریف نے اسپیکر قومی اسمبلی سردار ایاز صادق کو وطن واپس بلاکر اپوزیشن رہنماؤں سے رابطے کی ہدایت کردی ہے ۔نجی ٹی وی کے مطابق سردارایاز صادق نجی دورے پر لندن میں تھے تاہم وزیراعظم محمد نوازشریف نے انہیں فوری طور پر وطن واپس بلا لیا ہے۔۔
ذرائع کا کہنا ہے کہ اسپیکر کو قومی اسمبلی کے ممکنہ اجلاس کے لئے بلایا گیا ہے۔ایاز صادق کو قائد حزب اختلاف سید خورشید شاہ اور شاہ محمود قریشی سے رابطوں کی ہدایت بھی دیدی گئی جبکہ وزیر اعظم نے پارلیمانی وفد کو بیلا روس کے دورے سے بھی روک دیا ہے۔
