اسلام آباد(مانیٹرنگ ڈیسک) پاکستان مسلم لیگ (ن) کے رہنما طلال چوہدری نے عمران خان کے مرحوم والد پر سنگین الزامات عائد کر دیئے۔ تفصیلات کے مطابق میڈیا سے گفتگو کرتے ہوئے طلال چوہدری نے کہا کہ عمران خان اس شخص پر الزام لگا رہے ہیں جن کے والد پاکستان کے سب سے بڑے صنعتکار تھے۔ طلال چوہدری نے کہا کہ عمران خان کے والد
کرپشن کرنے پر نوکری سے نکالے گئے تھے۔ اس کی کرپشن کی کمائی سے عمران خان کی پرورش ہوئی،وہ بیرون ملک تعلیم حاصل کرتے رہے اور انہوں نے فلیٹس بھی خریدے۔ زمان پارک میں گھر بھی کرپشن کے پیسے سے بنا، اس سب کا حساب ابھی باقی ہے۔ آپ نواز شریف کیخلاف باتیں کرتے ہیں۔ نواز شریف تو اپنی بھٹی کے اندر لوہے کو بھی پگھلا دیتے ہیں۔
