لاہور( این این آئی)اداکارہ میرا آئندہ ماہ پیا گھر سدھار جائیں گی ، اداکارہ کی شادی کیپٹن نوید کے ساتھ طے پائی ہے۔اداکارہ کے والد سرور شاہ کا ایک نجی نیوز ویب سائٹ سے گفتگو میں کہنا تھا کہ میرا اور کیپٹن نوید کا نکاح تقریباً دو سال قبل امریکہ میں ہو چکا ہے اب صرف رخصتی کی رسومات باقی ہیں جنہیں اگلے ماہ خوش اسلوبی سے ادا کر دیا جائے گا۔
اطلاعات ہیں کہ شادی کی تقریب میں چند قریبی دوست، عزیز واقارب اور اہل خانہ ہی شرکت کریں گے ۔ شادی کی تقریب کا اہتمام لاہور کے علاقے ڈیفنس میں میرا کی رہائشگاہ پر ہی کیا جائے گا۔اداکارہ میرا کے قریبی خاندانی ذرائع کا کہنا ہے کہ شادی کے کارڈز بھی چھپ چکے ہیں۔ اداکارہ میرا نے اس اہم معاملے میں اپنے والدین اور دیگر فیملی ممبرز کو سختی سے ہدایت کی ہے کہ وہ شادی سے متعلق کسی قسم کی تفصیلات کسی کو نہ بتائیں اور جس حد تک ممکن ہو اس کو چھپایا جائے۔
