اسلا م آباد(این این آئی)الیکشن کمیشن آف پاکستان کے ترجمان ہارون خان شنواری نے بتایا کہ پی ایس۔ 114 کراچی کے ضمنی انتخابات میں نیا اور جدید رزلٹ ٹرانسمیشن سسٹم (RTS ) کو متعارف کروایا۔ جو کہ جدید موبائل ٹیکنالوجی سے متعلق ہے اور اس سے براہ راست تمام 92 پولنگ ا سٹیشنوں سے درست اور تیزی کے ساتھ آئن لائن نتائج حاصل کیے۔

اس نئی ٹیکنالوجی نے الیکشن کمیشن کو اس قابل بنا دیا ہے کہ وہ باقاعدگی سے پریذائنڈ نگ افسران سے نتائج حاصل کر کے اس کو الیکشن کمیشن اسلام آباد کے ڈیٹا سنٹر میں منتقل کر لے۔ اس ٹیکنالوجی کے تمام پہلوؤں کا جائزہ لیا گیا تھا۔ اور الیکشن کمیشن کے آئی ٹی افسران نے تمام پریذائنڈنگ افسران کو موبائل ہارڈ ویئر ، سافٹ وئیر ، رابطے سگنل ، کیمرے ، محفوظ ٹرانسمیشن کے بارے میں ٹریننگ بھی دی گئی تھی۔ اس رزلٹ ٹرانسمیشن سسٹم پائلٹ ٹیسٹنگ کی رپورٹ چیف الیکشن کمشنر کو پیش کی جائے گی اور 11 جولائی 2017 کو منصوبہ ساز کمیٹی میں بھی اس پر تبادلہ خیال کیا جائیگا۔ماہانہ منصبوبہ ساز کمیٹی میں سیکرٹری الیکشن کمیشن ، چاروں صوبائی الیکشن کمشنر زاور الیکشن کمیشن کے سرکردہ افسران کو اس کی پائلٹ رپورٹ پیش کی جائے گی تاکہ 2018ء4 کے عام انتخابات کے حوالے سے اس کے مختلف تکنیکی پہلوؤں کا تفصیلی جائزہ لے سکے۔ ترجمان کے مطابق اس ٹیکنالوجی کو ملک بھر کے تقریباً 80,000 پولنگ اسٹیشنوں پر متعارف کروانے پر حکومت سے مالی وسائل کی ضرورت ہو گی۔ جس کیبعد ہم آئندہ عام انتخابات میں اس جدید موبائل ٹیکنالوجی رزلٹ ٹرانسمیشن سسٹم کو متعارف کروا سکیں گے۔