اسلام آباد (آن لائن) وزیراعظم کی صاحبزادی مریم نواز نے کہا ہے کہ شریف فیملی پر ثبوت نہ دینے کے الزامات عائد کرنے والوں نے 1960ء سے اب تک ثبوتوں کی ٹرالی دیکھ لیں ۔ مریم نواز نے پیر کوپانامہ کی جے آئی ٹی کی جانب سے شریف خاندان سے ثبوتوں کی ٹرالی عدالت عظمیٰ میں پیش کرنے کے موقع پر اس کی تصویر سماجی رابطے کی ویب سائٹ ٹویٹر پر شیئر کرتے ہوئے کہا کہ شریف خاندان پر ہمیشہ ثبوت نہ
دینے کے بے بنیاد الزامات عائد کئے گئے لیکن یہ الزام لگانے والے شریف خاندان کے ثبوتوں کی یہ ٹرالی دیکھ لیں جو عدالت عظمیٰ میں پیش کردی گئی ہے انہوں نے کہا کہ 1960ء سے اب تک کے سارے ثبوت فراہم کرنے کے باوجود بھی مخالفین اپنے کرتوں سے باز نہیں آئینگے اور الزام پر الزام لگاتے رہے۔
