اسلام آباد(مانیٹرنگ ڈیسک)11جلدوں پر مشتمل جے آئی ٹی رپورٹ سپریم کورٹ میں پیش، والیم 10جاری نہ کیا جائے، تفتیش متاثر ہو سکتی ہے، جے آئی ٹی سربراہ واجد ضیا کی سپریم کورٹ سے استدعا۔ تفصیلات کے مطابق نجی ٹی وی کے اینکر اور معروف صحافی صابر شاکر نے سپریم کورٹ کے باہر سے رپورٹ کرتے ہوئے بتایا ہے کہ پاکستان کی تاریخ کے سب سے بڑے مقدمے پانامہ کیس کی
تحقیقات کرنے والی جے آئی ٹی نے 11جلدوں پر مشتمل اپنی حتمی رپورٹ آج سپریم کورٹ میں پیش کر دی ہے۔ حتمی رپورٹ پیش کرتے ہوئے جے آئی ٹی کے سربراہ واجد ضیا نے سپریم کورٹ سے استدعا کی ہے کہ 11جلدوں پر مشتمل جے آئی ٹی حتمی رپورٹ کی جلد نمبر 10شائع نہ کی جائے جبکہ باقی جلدیں شائع کرنے پر انہیںکوئی اعتراض نہیں۔ جلد نمبر 10کی اشاعت سے تفتیش متاثر ہونے کا خدشہ ہے۔
