جنوبی وزیرستان (آن لائن )جنوبی وزیرستان میں پاک افغان سرحد کے قریب تحصیل برمل کے اعظم ورسک کے علاقہ کالوشہ میں ایک مکان پر نامعلوم مسلح افراد نے دستی بموں سے حملہ کیا ہے جس کی وجہ سیدو خواتین سمیت 5 افراد موقع پر جاں بحق اور 7 شدید زخمی ہوگئے ۔زخمیوں میں دو کی حالت تشویشناک بتائی جاتی ہے۔پولیٹیکل خاصہ دار فورس جنوبی وزیرستان کے زرائع کے مطابق پاک افغان سرحد کے قریب تحصیل

برمل کے علاقہ اعظم ورسک کے گاں کالوشہ میں نامعلوم مسلح افراد نے ایک مکان پر دستی بموں سے حملہ کیا ہے جس کے نتیجے میں دو خواتین سمیت 5 افراد موقع پر جاں بحق اور پ7 شدید زخمی ہوگئے ۔خاصہ دار فورس کے مطابق ہلاک ہونے والوں میں صنعتہ بی بی زوجہ گلین وزیر،ملالہ بی بی بنت گلین ،عمرشاہ بن گلین ،فرہاد بن خان محمدشامل ہیں۔جبکہ زخمیوں میں گلین بن مزالک خان وزیر،خان محمد بن گلین،نور گئی بن گلین،لعل محمد بن خان محمد ،عمر بن خان محمد ،عصمتہ بی بی زوجہ اغامحمد ،نازیا بی بی بنت اغامحمد شامل ہیں۔زخمیوں کو فوری طور پر ہیڈکوارٹر ہسپتال وانا پہنچا دئے گئے جہاں ان کو ابتدائی طبعی امداد دینے کے بعد دو زخمیوں کی حالت تشویشناک ہونے پر انھیں ملتان ریفر کردئے گئے۔خاصہ دار فورس کے مطابق ابتدائی رپورٹ سے معلوم ہوا ہے کہ مزکورہ واقعہ رشتے کے تنازعہ کی وجہ سے پیش ہوا ہے اور مزکورہ قبیلے کا خواتین کے رشتے کا ایک تنازعہ چلا ارہا تھا ۔