پشاور(این این آئی)خیبرپختونخوا کی تاریخ میں پہلی مرتبہ خاتون کو تھانہ کا ایس ایچ او مقررکردیا گیا ۔پشاورپولیس لائن سے جاری ہونے والے حکم نامہ کے مطابق شہر کے مختلف تھانوں کے ایس ایچ اوز کو تبدیل کردیا گیا ، نئے تعینات ہونے والے ایس ایچ او میں خاتون بھی شامل ہے جوکہ خیبرپختونخوا کی تاریخ میں پہلی مرتبہ آپریشنل ذمہ داریاں کسی خاتون کوسونپی گئی ۔
پشاورپولیس نے سب انسپکٹر رضوانہ حمید کو پولیس اسٹیشن گلبرگ کی ایس ایچ او تعینات کیا۔ جوکہ پہلے وویمن پولیس اسٹیشن میں فرائض سرانجام دے رہی تھی ، رضوان حمید نے 1996 میں پبلک سروس کمیشن کا ٹیسٹ پاس کرنے کے بعد پولیس فورس میں شمولیت اختیار کی تھی ۔
