اسلام آباد (مانیٹرنگ ڈیسک) وزارت منصوبہ بندی و ترقی نے گزشتہ روز افغان طلباء کے لیے تعلیمی وظائف کی منظور دے دی ہے، تفصیلات کے مطابق وفاقی حکومت نے ملکی درسگاہوں میں تین ہزار افغان طلباء کو 7 ارب 30 کروڑ روپے کی لاگت سے علامہ محمد اقبال تعلیمی وظائف کے پروگرام کی منظوری دے دی۔ وزارت منصوبہ بندی نے اپنے ایک اجلاس میں اعلیٰ تعلیم کے شعبے میں 9.7 ارب کے دو بڑے منصوبے منظور کر لیے ہیں، ان منظورکیے گئے

منصوبوں میں افغان طلبہ کو علامہ محمد اقبال تعلیمی وظائف کا 7.3 ارب مالیت کا پراجیکٹ شامل ہے، تعلیمی وظائف پروگرام کی منظوری کے بعد مالی معاملات نمٹانے کے لیے ایکنک کو بھجوانے کی سفارش کی گئی ہے، اس پروگرام کی منظوری پاک افغان تعلیمی سرگرمیوں کے تبادلے کے پیش نظر وزیراعظم کی ہدایت پر کی گئی ہے۔ اس طرح منظور کیے جانے والے افغان طلبہ اب علامہ محمد اقبال تعلیمی وظائف کے میگا پراجیکٹ سے مستفید ہو سکیں گے۔