کراچی(آئی این پی ) سپریم کورٹ نے مرکز اسلامی کو اصل حالت میں بحال کرنے کا حکم دیتے ہوئے عمارت کو سنیما میں تبدیل کرنیوالے ٹھیکیدارکے خلاف کارروائی کا حکم دے دیا،نیب کو15روزمیں رپورٹ پیش کرنے کا حکم جاری کردیا۔تفصیلات کے مطابق سپریم کورٹ کراچی رجسٹری میں کراچی کے علاقے فیڈرل بی ایریا میں مرکزاسلامی کو سنیما میں تبدیل کرنے سےمتعلق کیس کی سماعت ہوئی جس میں کے ایم سی کے وکیل نے کہا کہ مرکزاسلامی ثقافتی سرگرمیوں کیلیے ٹھیکیدارکودیاگیاتھا،
ٹھیکیدار نے کیایم سی کی کارروائی کیخلاف سندھ ہائیکورٹ سے حکم امتناع لے لیاتھا جب کہ عدالت نے نیب کوکیایم سی افسران کیخلاف بھی کارروائی کاحکم دیاتھا۔سپریم کورٹ نے کنٹریکٹر کے حق میں سندھ ہائیکورٹ کا حکم امتناع ختم کردیا، عدالت نے مرکز اسلامی کوسنیما میں تبدیل کرنے والے ٹھیکیدارکے خلاف کارروائی کا حکم دیتے ہوئے مرکز اسلامی کو اصل حالت میں بحال کرنیکاحکم بھی دیا جب کہ عدالت نے متعلقہ افسران کامعاملہ نیب کوبھیج کر15روزمیں رپورٹ پیش کرنے کا بھی حکم جاری کردیا۔
