اسلام آباد (این این آئی)وزیر مملکت برائے اطلاعات ونشریات مریم اور نگزیب نے کہاہے کہ مریم نواز کسی سرکاری پروٹوکول میں جے آئی ٹی نہیں آئیں ٗ عمران خان آج بھی جھوٹ بولنے سے بعض نہیں آئے ٗ عمران خان قوم کو جواب دیں کے پی کے کا سرکاری ہیلی کاپٹر کس حیثیت سے استعمال کر سکتے ہیں ۔
عمران خان کے بیان پر رد عمل مریم اور نگزیب نے کہاکہ مریم نواز کسی سرکاری پروٹوکول میں جے آئی ٹی نہیں آئیں اور سب گھر والوں کی پرائیویٹ گاڑیاں ہیں تاہم عمران خان آج بھی جھوٹ بولنے سے بعض نہیں آئے انہوںنے کہاکہ بیٹیوں کی عزت کرنے والے اسی طرح بیٹیوں کے ساتھ آتے ہیں۔ عمران خان آ پ جیسے لوگ جو بیٹیوں کو قبول ہی نہیں کرتے وہ ایسے ہی بیان دیتے ہیں۔انہوںنے کہاکہ عمران خان آپ قوم کو جواب دیں کہ کس حیثیت سے وزیراعلی ہاؤس میں لڈو کی سانپ سیڑھی کھیلتے ہیںانہوںنے کہاکہ سانپ کون ہے عوام جانتی ہے اور اس سانپ کو اقتدار کی سیڑھی لڈو کھیل کر ہی مل سکتی ہے وزیرمملکت نے کہاکہ عمران خان آپ قوم کو جواب دیں کے پی کے کا سرکاری ہیلی کاپٹر کس حیثیت سے استعمال کر سکتے ہیں انہوںنے کہاکہ عمران خان آپ قوم کو جواب دیں کہ عدالتوں سے مفرور کیوں ہیں ٗعمران خان آپ قوم کو جواب دیں کہ یہودیوں اور ہندوؤں کی غیر ملکی فنڈنگ کہاں سے آئی ؟ وزیر مملکت نے کہاکہ عمران خان آپ قوم کو جواب دیں کہ زکواۃکے پیسے جوئے میں کیوں لگائے ٗعمران صاحب دیکھیں عوام کی محبت کیا ہوتی ہے۔
