اسلام آباد(اے پی پی)پاکستان ٹیلی وژن پر پیش کیے جانے والے مذاحیہ مشاعرے’’ہنسنا منع ہے‘‘میں شاعر جواد حسن جواد کے نامناسب الفاظ کے باعث پی ٹی وی کے پروگراموں میں حصہ لینے پر پابندی عائد کر دی ہے۔پی ٹی وی کے ترجمان کے مطابق پی ٹی وی ایک قومی چینل ہے جو صوبائی،لسانی اور مذہبی تعصب کی حوصلہ شکنی کرتا ہے اورکسی بھی زبان ،قوم یا قبیلہ کے خلاف کسی کو بات کرنے کی اجازت نہیں دیتا۔

مزاحیہ شاعری کے پروگرام میں جو لفظ مذکورہ شاعر سے ادا ہوئے ہیں وہ پی ٹی وی کی پالیسی سے مطابقت نہیں رکھتے۔پی ٹی وی نے پالیسی کی اس خلاف ورزی کا سختی سے نوٹس لیتے ہوئے جواد حسن جواد پر پابندی عائد کرنے کے ساتھ ساتھ متعلقہ پروڈیوسر سے بھی وضاحت طلب کر لی ہے۔پی ٹی وی انتظامیہ نے ان ناظرین سے معزرت کا بھی اظہار کیا گیا جن کی اس پروگرام کے باعث دل آزاری ہوئی۔

پاکستان بھر سے مزید خبریں پڑھئے

پی آئی اے کے نئے سی ای او کے انتخاب کیلئے کارپوریٹ رولز کی خلاف ورزی 

اسلام آباد (آن لائن) پی آئی اے کے نئے سی ای او کے انتخاب کے لئے کارپوریٹ رولز کی خلاف ورزی کرتے ہوئے مشیر ہوابازی کی مداخلت ، سردار مہتاب بھی انٹرویوز میں موجود رہے۔ میڈیا رپورٹس کے مطابق پی آئی اے کے نئے سی ای او کے انتخاب کے لئے رولز کی خلاف ورزی کرتے ہوئے مشیر ہوابازی نے مداخلت کی کارپوریٹ رولز کے مطابق کوئی بھی وزیر یا حکومتی عہدیدار انٹرویوز میں نہیں بیٹھ سکتا۔ مگر سردار مہتاب انٹرویوز میں خود بیٹھے رہے۔

قومی کرکٹ ٹیم آج وزیر اعظم سے ملاقات کریگی، کپتان سرفراز احمد اسلام آباد پہنچ گئے 

اسلام آباد(آن لائن) آئی سی سی چیمپئنز ٹرافی کی فاتح قومی کرکٹ ٹیم آج (منگل کو )وزیر اعظم محمد نوازشریف سے ملاقات کریگی۔ قومی کرکٹ ٹیم کے کپتان سرفراز احمد اسلام آباد پہنچ گئے ہیں ،سرفراز احمد فاسٹ باؤلر رومان ریئس کے ہمراہ کراچی سے اسلام آباد پہنچے ،دونوں کھلاڑی قومی ایئر لائن کی پرواز پی کے 370 سے اسلام آباد پہنچے ہیں ۔سرفراز احمدنے ٹیم کے ہمراہ آج دوپہر وزیر اعظم سے ملاقات کریں گے۔قومی ٹیم کے کھلاڑیوں نے آرمی چیف اور نیول چیف کے عشائیہ میں بھی شرکت کرنی ہے۔