کراچی (نیوزڈیسک)مریم نواز کی پیشی،جب مجھے اُٹھایاگیا تھا تو تب کیا ہواتھا؟کیا میں کسی کی بیٹی نہیں تھی؟معروف خاتون سیاستدان وزیراعظم نوازشریف پر برس پڑیں،تفصیلات کے مطابق نجی ٹی وی چینل کے پروگرام میں پاکستان پیپلز پارٹی کی رہنما اور ڈپٹی اسپیکر سندھ اسمبلی شہلا رضا وزیراعظم نوازشریف پر برس پڑیں انہوں نے کہا کہ جس کو ن لیگ والے عورت ، عورت کہہ رہے ہیں وہ دو مرتبہ ملک کی وزیر اعظم بنی۔
جے آئی ٹی کی جانب سے سمن جاری ہونے پر ان کی بیٹی بیٹی ہو گئی اور 1990ء میں وہ کسی کی بیٹی نہیں تھی؟ شہلا رضا نے کہا کہ میرے لیے یہ قانون نہیں تھا کہ مجھے کسی مرد کے ساتھ جیل میں نہ رکھا جائے۔27 دن مجھے سی آئی اے سینٹر میں نہ رکھا گیاکیا میں اس وقت کسی کی بیٹی نہیں تھی؟ تم نے کسی کی بیٹی کو کیسے اْٹھایا تھا؟ آج مکافات عمل ہے۔ میری گرفتاری پر جس طرح میرے مرحوم والدین روئے تھے، یہ دیکھ کر آج وہ قبر میں خوش ہو رہے ہونگے۔ انہوں نے وزیر اعظم کو مخاطب کرتے ہوئے کہا تم نے مجھ پر غلط الزام لگایا تھا، لیکن آج تمہاری بیٹی مستند جھوٹی ہے جس کا آن ریکارڈ بیان ہے کہ میری تو کوئی جائیداد ہی نہیں ہے۔
