اسلام آباد(مانیٹرنگ ڈیسک)عدنان سمیع نے بطور اداکار اپنے کیرئیر شروع کرنے کا فیصلہ کر لیا، بالی ووڈ کی فلم ’’افغان‘‘کیلئے اختیار کئے گئے نئے حلئے نے سب کو حیران کر دیا۔ تفصیلات کے مطابق پاکستان سے بھارت منتقل ہو جانے والے گلوکار عدنان سمیع ان دنوں بطور اداکار اپنے کیرئیر کو آگے بڑھانے کیلئے کوششوں میں مصروف ہیں اور اس سلسلے میں وہ آج کل بالی ووڈ فلم ’’افغان‘‘ کی
شوٹنگ میں مصروف ہیں۔ اس فلم میں ان کا کردار ایک افغان گلوکارکا ہے جس کیلئے انہوں نے خصوصی طور پر اپنی مونچھوں اور داڑھی کو بڑھایا ہے۔ فلم ڈرامہ ، سنسنی اور موسیقی کا حسین امتزاج قرار دی جا رہی ہے۔فلم کا مرکزی خیال ایک ایسے افغان گلوکار کی زندگی کے گرد گھوم رہا ہے جس میں اسے افغانستان کی دگرگوں صورتحال کے پیش نظر ہجرت کرنی پڑتی ہے۔
