اسلام آباد(مانیٹرنگ ڈیسک)بالی ووڈ کے معروف اداکار نواز الدین صدیقی کا بچپن نہایت غربت میں گزرا ہے ، اپنے بچپن بارے انکشاف کرتے ہوئے انہوں نے اپنے ایک انٹرویو میں بتایا ہے کہ وہ اور ان کے دوست بچپن میں اپنی ضروریات پوری کرنے کیلئے شادیوں میں ڈانس کرکے لوگوں سے دو یا تین روپے کماتے تھے جو اس زمانے میں بہت بڑی رقم ہوا کرتی تھی جس سے ان کی ضروریات با آسانی پوری ہو جایا کرتی تھیں۔واضح
رہے کہ بالی ووڈ میں رقص کواہم مقام حاصل ہے اور اداکار اپنی انٹری سے قبل رقص کی باقاعدہ تربیت حاصل کرتے ہیں مگر چند ایک ایسے اداکار بھی موجود ہیں جن کو رقص پر مہارت حاصل نہیں جن میں نواز الدین صدیقی کا بھی شمار کیا جاتا ہے تاہم اب اپنے انٹرویو میں نواز الدین صدیقی کا یہ بیان کہ وہ بچپن میں ضروریات پوری کرنے کیلئے شادیوں میں ڈانس کر کے رقم کمایا کرتے تھے نہایت دلچسپ اور حیران کن ہے۔
