اسلام آباد(مانیٹرنگ ڈیسک)کوئٹہ میں پولیس اہلکار کو گاڑی سے کچلنے والاگرفتارایم پی اے مجید اچکزئی عدالت میں پیشی کے موقع پر صحافیوں پر برس پڑا، نازیبا الفاظ کا استعمال ۔ تفصیلات کے مطابق کوئٹہ میں پولیس اہلکار کو ڈیوٹی کے دوران گاڑی سے کچلنے والا رکن بلوچستان اسمبلی مجید اچکزئی عدالت میں پیشی کے موقع پر صحافیوں پر برس پڑا۔ اس موقع پر مجید اچکزئی نے صحافیوں کو نازیبا الفاظ بھی کہے۔ مجید اچکزئی کو پولیس نے بغیر ہتھکڑی کے عدالت میں پیش کیا، صحافیوں سے اس موقع پر مخاطب ہوتے ہوئے

مجید اچکزئی کا کہنا تھا کہ ’’آپ کو کیا پولیس والوں نے یہاں آنے کی دعوت دی ہے؟‘‘اس موقع پر مجید اچکزئی نے نجی ٹی وی کے کیمرہ مین کو نازیبا کلمات بھی کہے، عدالت میں پیشی سے قبل مجید اچکزئی نے ایک بار پھروہاں موجود صحافیوں اور کیمرہ مینوں کو مخاطب کرتے ہوئے کہا کہ’’کل کے کوئٹہ دھماکے کی فوٹیج آپ کو نہیں ملتی جبکہ پولیس اہلکارکو کچلنے کی فوٹیج مل گئی۔‘‘مجید اچکزئی کا صحافیوں سے رویہ نہایت غیر مناسب تھا اور ایسا لگ رہا تھا کہ جیسے وہ اپنی گرفتاری کی وجہ صحافیوں کو قرار دے رہے ہیں۔