لندن ( این این آئی)آئی سی سی چمپئنز ٹرافی کے فائنل میچ میں روایتی حریف بھارت کو عبرتناک شکست دینے کے بعد قومی ٹیم کے تمام کھلاڑیوں کی خوشی دیدنی تھی ، کپتان سرفراز احمد کے کہنے پر تمام کھلاڑیوں نے گراؤنڈ میں اکٹھے سجدہ ریز ہو کر شاندارکامیابی پر رب کا شکرادا کیا ۔تفصیلات کے مطابق بھارتی ٹیم کے آخری کھلاڑی
کے آؤٹ ہوتے ہی تمام کھلاڑیوں نے دیوانہ وار ایک دوسرے کو گلے لگاکر مبارکباد دی ۔ اس دوران کھلاڑی خوشی منانے میں مصروف تھے کہ کپتان سرفراز احمد نے تمام کھلاڑیوں کو سجدہ شکر ادا کرنے کی ہدایت کی اور کپتان سمیت تمام کھلاڑیوں نے اوول کی گراؤنڈ میں اکٹھے رب کے حضور سجدہ ریز ہو کر شاندار کامیابی پر شکر ادا کیا ۔
