اسلام آباد (آئی این پی)چیمپیئنز ٹرافی کے فائنل میں بھارت کوعبرت ناک شکست دیکر پاکستانی کرکٹ ٹیم تیسر ابڑا ایونٹ جیتنے میں کامیاب ہوئی اسے قبل قومی کرکٹ ٹیم نے عمران خان کی قیادت میں 92کا ورلڈ کپ جیتا اور پھر 2009کے آئی سی سی ٹی 20ورلڈ کپ میں سری لنکا کے خلا ف کامیابی حاصل کی تھی ۔92کے ورلڈ کپ میں پاکستانی کرکٹ ٹیم کی جیت کے وقت بھی میاں محمد نوازشریف وزیراعظم تھے
اور اب بھارت کے خلاف چیمپیئنز ٹرافی میں کامیابی کے وقت بھی میاں محمد نوازشریف وزیراعظم ہیں۔اس وقت بھی نوازشریف نے عمران خان اور دیگر کھلاڑیوں کو انعامات اور اعزازات سے نوازا تھا۔ ذرائع کے مطابق وزیراعظم نوازشریف بہت جلد قومی کرکٹ ٹیم کو وزیراعظم ہاؤس میں مدعو کرکے بھارت کے خلاف کامیابی پر مبارکباد دیں گے اور کھلاڑیوں کو انعامات اور پلاٹ بھی دیئے جانے کا امکان ہے ۔
