اسلام آباد (مانیٹرنگ ڈیسک) سابق بھارتی کرکٹر وریندر سہواگ جو پاکستانی کرکٹ ٹیم کے کھلاڑیوں کے خلاف بیانات میں پیش پیش رہتے ہیں، حیران کن طور پر پاکستانی ٹیم کے کپتان سرفراز احمد کی حمایت میں میدان میں نکل کھڑے ہوئے ہیں، سابق بھارتی کرکٹر وریندر سہواگ نے کہا کہ جو لوگ سرفراز احمد
کو انگریزی نہ بول پانے کی وجہ سے مذاق کا نشانہ بنا رہے ہیں انہیں اپنے اس رویہ پر شرم آنی چاہیے، سرفراز احمد کا کام انگریزی بولنا نہیں بلکہ کرکٹ کے میدان میں کارکردگی دکھانا ہے جو وہ پوری طرح سے نبھا رہے ہیں۔ امید ہے لوگ سرفراز احمد کی انگریزی کو نہیں بلکہ اس کی کارکردگی کو دیکھیں گے۔
