اسلام آباد (مانیٹرنگ ڈیسک) انگلینڈ اور ویلز میں کھیلی جانے والی آئی سی سی چیمپیئنز ٹرافی کے دوسرے سیمی فائنل میچ میں آج انڈیا نے بنگلہ دیش کو نو وکٹوں سے شکست دے کر فائنل کے لیے کوالیفائی کر لیا ہے۔انگلینڈ اور ویلز میں جاری چیمپیئنز ٹرافی میں انڈیا کے بنگلہ دیش کو ہرا کر فائنل میں پہنچنے کے بعد پاکستان اور انڈیا کے مابین ہونے
والا میچ ٹوئٹر پر موضوع بحث ہے۔ تفصیلات کے مطابق اتوار کو پاکستان اور انڈیا کے درمیان کھیلے جانے والے فائنل کو ٹوئٹر پر ”غدر“ سے تشبیہ دی جا رہی ہے۔ خیال رہے کہ غدربالی وڈ فلم ہے جس میں انڈیا پاکستان سے مقابلہ کرتا ہے۔جبکہ ٹویٹر پر یہ بھی دیکھنے میں آ رہا ہے کہ سری لنکا نے خود ہی پاکستان کو فائنل میں بھیجنے کیلئے مدد کی ہے۔
