لندن (مانیٹرنگ ڈیسک) انٹرنیشنل کرکٹ کونسل اور انٹیل کے درمیان چیمپئنز ٹرافی میں کرکٹ کے کھیل میں نئی جدت پیداکرنے کےلئے معاہدہ طے پاگیاگیاہے جس کے تحت یمپینز ٹرافی 2017ءمیں ایک ایسی ٹیکنالوجی متعارف کرائی جا رہی ہے جو آج سے پہلے کسی ٹورنامنٹ میں استعمال نہیں کی گئی اوریہ ٹیکنالوجی اب چیمپئنز ٹرافی کے بعد ورلڈکپ میں بھی استعمال ہوگی ۔میڈیارپورٹس کے مطابق

انٹرنیشنل کرکٹ کونسل اور انٹیل کے درمیان طے پانے والے معاہدے کے تحت ٹورنامنٹ میں استعمال ہونے والے بلے مخصوص ٹیکنالوجی چپس سے مزین کر دئیے گئے ہیں۔ یادرہے کہ کرکٹ کی تاریخ میں پہلی مرتبہ ایسا تجربہ کیا جا رہا ہے اور یہی وجہ ہے کہ چیمپینز ٹرافی 2017ءکو ”سمارٹ کرکٹ ٹورنامنٹ“ بھی کہا جا رہا ہے۔ ایسا کرنے کا مقصد کرکٹ شائقین کیلئے کھیل کو مزید پرلطف بنانے کے علاوہ کوچز اور کھلاڑیوں کو مدد فراہم کرنا بھی ہے تاکہ وہ اپنا کھیل مزید بہتر کر سکیں۔سٹیڈیمز میں ہاک آئی کیمرہ بھی لگا دئیے گئے ہیں جبکہ ان کے علاوہ ڈرون اور سپائیڈر کیمرہ بھی میچ کی کوریج کیلئے نصب ہوں گے۔ کسی بھی ٹیم کاکپتان اب 11 کھلاڑیوں کی ٹیم شیٹ کسی کاغذ پر نہیں ہوگی بلکہ ٹیبلٹ پر انہیں سائن کر کے فراہم کریں گے۔میچ کے دو ران سٹیڈیم میں آنے والے شائقین کو ہائی ڈیفی نیشن وائی فائی انٹرنیٹ بھی فراہم کیا جائے گا۔آئی سی سی اورانٹیل کے درمیان معاہدہ طے پاجانے کے بعد کرکٹ کاکھیل جدت کے نئے دورمیں داخل ہوجائے گاجوکہ اس سے قبل کسی بھی کرکٹ سمیت کسی بھی کھیل میں سامنے نہیں آئی ہے ،اس سے چیمپئنز ٹرافی میں کھلاڑیوں اورشائقین دونوں کوکرکٹ ایک جدید اندازمیں کھیلنے اوردیکھنے کوملے گی اوراس وجہ سے چیمپئنز ٹرافی کواب سمارٹ کرکٹ ٹورنامنٹ کے نام سے بھی پکاراجارہاہے ۔