بیجنگ (آ ئی این پی ) چین اور حبیب بینک پاکستان میں ادائیگی کے معیار کے فروغ کیلئے آئندہ 3 سال میں 21 لاکھ یونین پے چپ کارڈز جاری کریں گے، پاکستان میں تمام کریڈٹ کارڈ م اور اے ٹی ایم میشنز یونین پے کارڈ استعمال کر سکتی ہیں۔چائنہ ریڈیو انٹرنیشنل کے مطابق چین کے مالیاتی ادارے یونین پے نے اعلان کیا کہ یونین پے نے پاکستان کے سب سے بڑے بینک حبیب بینک لمیٹیڈ کے ساتھ فیصلہ کیا ہے

کہ آنے والے تین برسوں میں دونوں ادارے باہمی تعاون کرکے اکیس لاکھ یونین پے چپ کارڈز جاری کریں گے۔ توقع ہے کہ نئے چپ کارڈز کے اجرا سے پاکستان میں ادائیگی کی سروس کے معیار کو نئی بلندی تک پہنچایا جائیگا۔اطلاع کے مطابق دی بیلٹ انڈ روڈ منصوبہ اور سی پیک کی تعمیرات کے ساتھ ساتھ پاکستان میں یونین پے کا کاروبار تیزی سے بڑھتا جارہا ہے۔اس وقت پاکستان میں تمام کریڈٹ کارڈ میشنز اور اسی فیصد اے ٹی ایم میشنز یونین پے کے کارڈ استعمال کر سکتی ہیں۔یونین پے پاکستان میں روز مرہ زندگی میں ادائیگی کے سب سے موثر طریقوں میں سے ایک بن گیا ہے۔اور پاکستان میں نمبر دو بین الاقوامی کارڈ بھی ہے۔