ممبئی (نیوز ڈیسک ) بالی ووڈ اداکارہ کنگنا رانوت ایک بار پھر ملکہ بننے جا رہی ہیں ، اداکارہ ٹریجڈی کوئین مینا کماری کی بائیوپک میں مرکزی کردار کریں گی۔ خوبصورت اداکارہ مینا کماری نے ساٹھ اور ستر کی دہائی میں بالی ووڈ پر راج کیا۔ تیس سالہ فنی کیرئیر میں مینا کماری نے نوے سے زیادہ فلموں میں اداکاری کے جوہر دکھائے۔ اداکارہ کی فنی خدمات کو سراہتے ہوئے ہدایتکار تگمانشو دھولیا مینا کماری دا کلاسک بایو گرافی بنا رہے ہیں۔ جس میں اداکارہ کنگنا رانوت مرکزی کردار کریں گی۔ کنگنا اس سے پہلے ونس اپون اے ٹائم ان ممبئی میں زینت امان کا کردار بخوبی نبھا چکی ہیں۔