اسلام آباد (ڈیلی پاکستان آن لائن ) سابق صدر پرویز مشرف کا وطن واپسی اور حفاظت کیلئے عدالت سے رجوع ۔نجی ٹی وی نیو نیوز کے مطابق علاج کے سلسلے میں بیرون ملک مقیم سابق صدر پرویز مشرف نے وطن واپسی اور حفاظت کیلئے خصوصی عدالت میں درخواست دائر کر دی ہے جس میں موقف اپنایا گیا ہے کہ وہ
پاکستان واپس آنا چاہتے ہیں درخواست میں مزید کہا گیا ہے کہ وہ وطن واپس آکر مقدمات کا سامنا اورعدالتوں میں پیش ہونا چاہتے ہیں تاہم وزارت داخلہ وطن واپسی کے بعد انہیں فول پروف سکیورٹی فراہم کرے ۔یاد رہے کہ سابق صدر گزشتہ برس علاج کیلئے عدالتی حکم کے بعد دوبارہ بیرون ملک چلے گئے تھے ۔
